資料只供參考之用。讀者在投資時，應詳細參閱股份年報、招股書及其他報告內之詳情，並務請運用個人獨立思考能力自行作出投資決定。本報告/評論並不構成要約、招攬或邀請、誘使、任何不論種類或形式之申述或訂立任何建議及推薦。 投資涉及風險，股票價格可升可跌。如因相關建議招致損失，概與羅沙證券有限公司、羅沙證券之僱員、編者、作者及網站持有人等無涉。 升得越高沽得越勁 週一港股高開近200點，但原來經已係全日最高點數，半日成交金額只有270億元；下午初段好淡爭持，不過收市前好友佔據上風升139.87點報20737.22點，國指收報11531.72點升136.67點，但全日成交不足五百億只有492億元。內地上證綜合指數收升42點報2652點。 週二港股再度跟大圍低開近200點，尋日升勢打回原形，半日最多跌204點，成交依然淡淨250億元；下午再跌超過360點但收市有買盤跌少至200.73點報20536.49點，國指收報11402.90點跌128.82點，全日成交569億元。內地上證綜合指數收跌13點報2639點。 週三港股反彈高開34點，但半日都係最多升100點，成交312億元；下午續升87.34點收市報20623.83點，國指收報11498.94點升96.04點，全日成日565億元。內地上證綜合指數收反跌16點同港股走勢背馳報2623點。 美股之前造淡但依家又造好，港股週四當然要照跟隨高開240點，之後升多至300點樓上，半日成交370億元；下午仍升245.09點收市報20868.92點，國指收報11688.84點升189.90點，全日成交661億元。內地上證綜合指數收升返33點報2655點。 華爾街股市仍然要造個好市推動港股於本週最後一個交易日仍高開50點，半日就牛皮格局唔上唔落，不過成交似乎多咗少少有406億；下午尾段再度炒高至102.58點收市報20971.50點創近期新高，國指收報11767.41點升78.57點。但內地股市就非常牛皮收市竟然好少見地冇咩起跌收平手盤報2655點。 本週港股走勢跟足外圍，姐外圍例如美國咁，啲經濟數據差到暈，之但係道瓊斯工業指數就硬係仲要升，而標準普爾指數亦唔執輸齊齊上升企硬千一點樓上，加上內地個市跌又跌唔落，升雖然唔係多但都係叫做有得升，咁你話香港夾係兩大國之間個市近排真係衰極有限，其實呢啲講真都係馬後砲陳述，因為生活上同股市一樣，好多時候如果成日都係馬後砲式嘅後知後覺方式去行事，真係好難有所作為，姐好似本欄早幾期當個市係咁日日跌嘅時候呼籲大家要買貨等升呀，而唔好等個市升咗幾日才追入呀等言論，似乎都講中咗少少，咁姐唔係馬後砲啦；再睇返個市由今個升期三開始發力無厘頭上升，計吓條數都升咗三日啦，加上尋晚美國又再度造好升127點報10448點，標普亦升上一千一百點樓上報1104點，新聞報導話咩市場就業數據好過市場預期咁話；大佬，呢啲咁 嘅所謂新聞日日都有講嫁啦，咩好過市場預期、差過市場預期就炒高同質低個市指數，真係一個稍為有少少炒股經驗的人都知道嘅一種籍口，其實股市日日都唔係炒上就炒落，一唔係就唔上唔落，咁作為散戶梗係想啲大戶炒上炒落好過唔上唔落啦，姐大戶要搵食，散戶都要搵餐晏仔，大家都搵到食咪皆大歡喜囉，加上香港哩個場資金出入咁鬼死自由，啲錢話嚟就嚟，話走就走啦，按一吓電腦個ENTER掣咪得囉，姐到時個市升完下跌喇，你又會聽到好多市場評論聲音話咩投資者預期經濟仍差，個市下跌好正常，仲要係有排跌呀等等哩啲聲音，美國有排衰呀、大陸又持續收緊水呀，歐洲危機又未過呀等等大家都耳熟能詳的說話，日日係咁講聽到你都識背誦咁滯，升市嘅時候就話咁市場有水到，到跌市的時候又話咩冇水到，前景悲觀等等，咁如果你日日都按照呢啲事後諸葛方式去炒股，真係唔多恭喜，因為咁正正中咗市場上所有一般散戶嘅結果﹕賺就賺啦糖、蝕就蝕間廠，咁又何必呢。 其實依家買股票係一個好容易嘅玩法，姐好似你入到賭場都係要先了解各種賭法，再睇吓人地點樣至贏到錢，而點樣會輸錢，再落注咪容易過你盲中中咁係又買、唔係又買貨囉，姐話一定要事前做咗功課至落場下注囉，專家教落買股前先要做功課啦，如果又唔想做功課又想賺錢的話，都唔係唔得嘅，但就要等到牛三期姐好似2007年8月17日展開的短暫大牛市，只係維持咗兩個零月，咁大家到時就要小心喇，而本人預期今次牛三期亦會只係一個短暫的牛三期，到期時大家賺錢係必然嘅事，之但係如果貪心成日要賺到儘的話，咁就睇吓閣 下係咪有先知，知道幾時升到頂至離場喇，真係一啲都唔容易，因為到時你又會聽到市場好多聲音又好、噪音又好，話咩二萬七、八千幾點係合理嫁，三萬幾點都有人話合理噃，咁如果你呢啲說話都當真理的話，咁真係唔多恭喜喇，歷史經驗經已告訴我哋，如果去到哩啲水位指數，一定唔係一個正常的情況，姐好似近日個市就升但思捷環球(330)又話咩差過場預期跟住又比人質低個股價，而你如果唔敢入市的話，等升返轉頭你至追入，咪再次高追囉，係哩個上落市高追賺到幾多呀，梗係要逢低吸納至係賺錢之法啦；姐即將東來的股神同美國神童標基士一齊呼籲各位富豪捐款做善事，咁大家股市賺到錢即使唔係好富有都可以做吓善事啦。 騰訊控股(00700) 上週股市反覆向好上升回二萬壹千點, 最高21,028點,週五收報20,971點,最低20,372點；一週總成交3,014億元。 其實一直對騰訊控股(00700) 看好, 雖然近幾個月因其業績未如理想, 股價大幅下滑。 但仍看好其通訊軟件QQ, 其在七月用戶有1.58億人次, 是在內地排名第一。 雖然市場觀騰訊控股(00700) 業績增長放諼, 但3G市場帶動的收費多屬遊戲頃目, 亦是騰訊所屬, 流動電話時會有更多新頃目, 未來的商機會令其盈利增長大增。 上週五收報145.20元, 可於135元左右吸納。 羅沙證券、許向輝 證監會(第一類)證券交易牌照持牌人 (編號AQX 415) 2010年9月6日 (本文作者聲明於建議時並沒有持有以上建議買入或沽售之股份)