資料只供參考之用。讀者在投資時，應詳細參閱股份年報、招股書及其他報告內之詳情，並務請運用個人獨立思考能力自行作出投資決定。本報告/評論並不構成要約、招攬或邀請、誘使、任何不論種類或形式之申述或訂立任何建議及推薦。 投資涉及風險，股票價格可升可跌。如因相關建議招致損失，概與羅沙證券有限公司、羅沙證券之僱員、編者、作者及網站持有人等無涉。 “牛三＂仲有幾個月玩 週一港股再度高225點創新高，半日升超過300點，成交金額亦達540億元；下午升幅稍為收窄但仍升263.13點收市報23207.31點，國指收報12951.90點升193.67點，全日成交接近千億大關有952億元。內地上證綜合指數收升68點報2806點。連升多日之後的港股週二終要回吐46點低開，半日跌120點成交有455億元；下午賣地市況亦跌少咗收市僅下跌85.61點報23121.70點，國指收報12970點仍有27.10點升幅，全日成交持續高企達831億元。內地上證綜合指數收升34點報2841點。 週三港股經過尋日稍為回氣之後繼續高開207點，但高位仍有少少回吐，半日冇起跌中午收平手盤，成交553億元；下午市況再度活躍收市勁升335.99點報23457.69點創今年新高，國指收報13301.49點升322.49點，全日成交再度超越千億大關達1092億元，姐牛三期再明顯不過，希望大家識執生。內地上證綜合指數收市亦節節領先升20點報2861點。 週四港股受美股連日造高而再次高開227點，稍後更創出2010年新高23866.87點之全日高位，半日升247點，成交金額竟達780億元，姐同之前全日成交金額不足600億元相比較真係冇得揮，唔洗比較咁解，牛三期係咁嫁喇；收市再爆升394.48點報23852.17點，國指收報13575.95點升274.95點，全日成交金額再創今年新高1385億元。內地上證綜合指數收升18點報2877點。 週五港股又回吐低開118點，下午半日以跌勢為主收市回吐94.54點，報23757.63點，國指收報13613.22點仍升37.27點，全日成交1233億元。內地上證綜合指數收升92點報2971點。週五美股走勢有升有跌，道指就下跌31點但標準普爾指數卻仍能夠上升2點咁大把，反映市場對後市走勢無論美股好港股都好，係呈樂觀走勢姐港股仲會繼續炒高嚟沽貨，等待一個極之利好的市場消息將港股推向今年頂峰，因為睇返歷史就以最近嗰個牛三期2007年由8月17日牛三期展開至10月底恆指高見31958點止，都持續咗兩個幾月，咁今次＂假牛三＂至少亦應該同上次歷時相約，姐由九月份開始計起應該可以持續到十二月中至少，因為到時亦臨近聖誕年尾大戶收爐時，咁提早半個月十二月中收爐唔炒港股放假happy去都好正常姐，各位散戶投資者好投機者好就要執生喇，唔好比啲好消息蒙蔽咗自己的智慧，因為股票市場永遠都係一個周期性走勢，市況冇可能長期上升，換句話講姐亦冇可能長期下跌，而且依家有中國新興市場頂住，要大跌市唔係唔會發生，但亦係一個非常好的入貨良機，大家要好好把握，依家仍然係發展緊而且玩法亦日趨完善有埋股指期貨炒姐香港叫嘅期指，所以市況 波動在所難免，大家要識得用逆向思維去投資，才會有更理想回報，但家吓如果你覺得好多股份經已被炒高咗價位的話，例如中國建材(3323)、安徽海螺(0914)咁而唔夠膽入市的話，咪申請吓新股抽吓IPO囉，好似最近IPO中嘅四環醫藥(0460)同下週一開始IPO嘅AIA(1299)咁，都值得一抽玩吓嘅，各位投資人要手快喇，因為星期一申請的話四環醫藥仲係免手續費嘅，無錯，抽幾多都免，而AIA就星期一至星期二都係免手續費抽，大家要分清潔喇，打個電話25254241搵吳小姐就可以申請喇；據報四環醫藥係內地最大的心腦血管藥物產銷商，去年市佔率達7.4個巴仙，旗下的14種心腦血管藥物組合全為處方藥；其盈利能力頗佳毛利率有70個巴仙以上，據聞前金融狙擊高手索羅斯都有興趣玩，既然大大戶助興一齊炒港股，姐後市仲有得去啦，執輸行頭慘過敗家呀，咁醒目嘅香港人冇理由會執輸嘅，一於去馬申請啦。 中國人壽(02628) 上週港股勁向上二萬四點進攻, 最高23,866點, 週五收報23,757 ,最低23,035點；一週總成交5,494億。基金追貨及資金大量流入令港股強勁上揚。今期推介中國人壽(02628), 市場預測人民幣升值加快, 熱錢湧向內地股市; 中國人壽持大量A股投資, 其市盈率亦較同業們低；股價己較明顯受惠上升至星期五收市價35.25元。需則有報告指整體新增保單, 有放緩現像；但內地股市向好亦能帶動中國人壽(02628)向好! 投資者可於34元開始納作中線~目標價40元! 羅沙證券、許向輝 證監會(第一類)證券交易牌照持牌人 (編號AQX 415) 2010年10月18日 (本文作者聲明於建議時並沒有持有以上建議買入或沽售之股份)