資料只供參考之用。讀者在投資時，應詳細參閱股份年報、招股書及其他報告內之詳情，並務請運用個人獨立思考能力自行作出投資決定。本報告/評論並不構成要約、招攬或邀請、誘使、任何不論種類或形式之申述或訂立任何建議及推薦。 投資涉及風險，股票價格可升可跌。如因相關建議招致損失，概與羅沙證券有限公司、羅沙證券之僱員、編者、作者及網站持有人等無涉。 個市有排玩 週一港股迎來2011年第一個交易日當然要紅盤高開100點，半日走勢凌厲升近400點，半日成交298億元；下午仍然要升400.60點收市報23436.05點，國指收報12884.85點升192.42點，全日成交金額有533億元。內地因假期關係冇市但預測亦會造好開紅盤迎合中國人開門紅心態。 週二果然應驗預測正確美股由於時差關係遲過港股開市2011年但亦跟隨港股造好高收紅盤93點，內地復市亦係紅盤高開，而港股當然冇理由甩底亦再度高開41點，半日升高至120點收市，半日成交金額亦達416億元；下午仍然係好友天下再升多至232.43點收市報23668.48點，國指收報13016.37點升131.52點，全日成交金額達764億元。內地上證綜合指數復市紅盤高收44點報2852點。 週三港股稍為回氣低開18點，不過市底始終強半日倒升20點，成交金額亦有418億元；下午一度跟隨大陸股市造低，但好友哩期佔據上風收市再回升89.34 點報23757.82點，國指收報12994.41點跌21.96點，全日成交亦達781億元。內地上證綜合指數收跌14點報2838點。 美股升唔停港股週四當然唔執輸高開103點，但高位有回吐半日牛皮偏好，半日成交452億元；下午仍然係窄幅上落，但收市仍然高收28.48點報23786.30點，國指收報12983.29點反跌11.12點，全日成交維持七百億樓上有771億元。內地上證綜合指數收要跌14點報2824點。 週五港股終於要回吐低開42點，但市底咁強半日經已倒升近100點，半日成交金額465億元；下午又跟隨內地股市回軟收市要下跌99.67點，報23686.63點，國指收報12925.71點跌57.58點，全日成交金額達795億元多過尋日。內地上證綜合指數收升14點報2838點。 上回講到世界要有和平股市至有得升，踏入2011年新年果然有個好開市，晌月頭無論係中港美各地股市都係以上升走勢為主，華爾街股市其實自去年12月經已不斷創2008年金融海嘯之後新高，其強勢冇咩人可以估到一直維持到2011年一月都係咁強勁，咁你話淡友係咪冇啖好食，分分鐘轉埋做好友都唔出奇嫁，姐短炒呢家野梗係要識時務者為俊傑啦，否則咪姐同錢作對姐同自己過唔去姐；但在成熟市場有升自不然有跌，依家大陸都有期指炒啦，升到咁上下比人造淡插返落嚟都唔出奇，但又唔洗咁擔心噃，因為晌大牛市中每逢下跌都係視為一 個入市良機，遠嘅唔講，大家應該仲記得好清楚去年中市場上個個都話歐債危機呀、雙底衰退呀、最幣一眾高官又加埋把口齊齊唱淡，本欄當時經已極力呼籲要積極入市，冇馬後砲架，咁時間咪證明咗一切囉，到咗八月至九月個市咪一直起飛升到2010年高位恆指高見24988點，咁你唔好食到咁儘就算二萬四千點沽清貨，當然係講緊要晌五、六、七月萬九二萬點入咗貨計啦，簡單算術係人都計到賺幾多啦吓話，所以話炒股一定係要炒預期，而唔係等件事經已發生咗再作事後諸葛評述，係人都識啦吓話；咁今年最新的經濟報告係身為全球大阿哥的美國去年12月私人職位新增29.7萬，不但遠超彭博預期的10萬，更刷新調查在2001年展開以來最大的單月升幅，而美國ISM非製造業指數由11月55攀升至57.1，同樣係勝過彭博預期的中位數，更為2006年5月以來的最快增速，令市場人仕相信復甦步伐正不斷加快中，範圍更由製造業擴展至服務業；加上上週美失業救濟亦符合市場預期降至兩年新低，顯示勞工市場持續改善，其實本欄一早亦講過一個測市方式係只需留意油價有冇大幅下跌就經已知道股市走勢；好似過去落後多年的和黃(0013)由去年至今不斷創新高，加上大戶頻頻追入，隻股有咩辦法唔升呢，但凡事好會物極必反，大家如果晌低位買入而又持有一段長時間，都係時候逐步減持，情況一如07年股神巴菲特在大家炒股炒到最開心的時候減持中石油(0857)一樣，想賺個盤滿缽滿一定要學股神入貨同沽 貨的方式，呢個世界邊到有賺到儘當你買咗就升、沽咗就跌架，有都係好彩姐，多數情況都係買咗會跌、沽咗會升，不過賺咗咪算囉，收夠籌都唔錯啦吓話。 莎莎國際 上週股市七連升後終於週五向下整固於二萬三、四千點徘徊, 最高23,880點,週五收報23,686點,最低23,035點；一週總成交3,643億元。 農曆新年重有唔夠一個月就到, 想拿封利士過年... 今期們推介(00178) 莎莎國際, 憧憬因內地會於農曆年前擁至入年貨；最近股價調整至4.5元左右, 上升至週五收市價4.85元,。集團擁有分店百多間及有自家品牌及獨立品牌專櫃, 其營業利潤可抵消租金壓力, 仍看好香港零售業, 三月低業績公佈, 利好股價上升! (00178) 莎莎國際, 公司整體營運質素健康良好, 可於開市價吸納短線可望突破5.5元 羅沙證券、許向輝 證監會(第一類)證券交易牌照持牌人 (編號AQX 415) 2011年1月10日 (本文作者聲明於建議時並沒有持有以上建議買入或沽售之股份)