資料只供參考之用。讀者在投資時，應詳細參閱股份年報、招股書及其他報告內之詳情，並務請運用個人獨立思考能力自行作出投資決定。本報告/評論並不構成要約、招攬或邀請、誘使、任何不論種類或形式之申述或訂立任何建議及推薦。 投資涉及風險，股票價格可升可跌。如因相關建議招致損失，概與羅沙證券有限公司、羅沙證券之僱員、編者、作者及網站持有人等無涉。 世界要有和平，股市至會有得升 聖誕假期過後復市港股週一當然跟隨外圍造淡低開280點，半日仍要下跌210點，但成交金額就依然少只有232億元；下午持續偏淡收市跌212.07點報22621.73點，國指收報12309.59點跌133.35點，全日成交再創近半年新低只有440億元。內地上證綜合指數收跌48點報2733點。 週二港股終於反彈高開43點，正當大家又以為佢冇力再上的時候，港股好友發力打冧淡友半日升超過230點，但成交金額只有223億元；下午再度跟隨大陸股市造好勁升347.57點報22969.30點，國指收報12508.32點升198.93點，不過全日成交金額仲少過尋日僅得408億元。內地上證綜合指數收升18點報2751點。 美股持續造好港股週三大除夕前一個交易日點會唔跟高開18點，隨後更一度升過百點但缺乏承接未夠十一點又倒跌70點；下午中段好友發力又升至100點左右，不過收市稍為升少至30.04點報22999.34點，國指收報12586.84點升78.32點，而全日成交亦回升至527億元，顯示好友肯買吓貨否則淡友玩曬。內地上證綜合指數收升8點報2759點。 週四大除夕港股祗有半日市不過仍然能夠再接再勵高開80點，雖然祗有半日市但仍然係向好升36.11點收市報23035.45點，國指收報12692.43點升105.59點，全半日成交金額有302億元其實唔錯，後市一定向好。 本週承接聖誕假期故祗有三日半市，大部份市場人仕都放假中所以個市難以炒得太高，而晌商業社會特別係好似香港地咁，人們好鍾意在新的一年同舊年交界之時作出多方面預測，無論係睇相、股市等等，你又會自自然咁見到好多相關書籍，其實商業社會呢啲嘢無可厚非嘅，咁年年都係有人講中有人唔中架啦，好似股市咁去年初又唔係好多人話咩港股2010年半年結必定見二萬六千多百點、年中時又話年底又必定升破二萬七千多百點，咁時間經已係最好的證明，買股其實最緊要match個人自己性格，再運用自己過去成功的經驗而持續落去就可，聽得太多聲音反而會變成另一種噪音而影響咗自己的投資決定就唔係咁好啦，因為人地有講嘢權利，但落注係你自己，冇理由咩都唔經自己個大腦係 咁買，點會賺都好嘅回報呢!? 而美股在大除夕夜前交易日道瓊斯指數亦以升市結束2010年不過標準普爾指數卻稍微下跌不過都係0.24點咁大把，而大陸上證綜合指數更加係上升48點結束2010年股市，不過中國人始終較為注重農曆新年股市走勢，個人認為除咗1月3日港股會紅盤高開之外，農曆新年只要冇特別壞的消息影響大戶們入貨意欲，亦會係紅盤高開，所以作為散戶的我們當然要跌就入貨等升啦；祗要世界特別係東北亞地區唔會發生擦槍走火事件繼而導致地區衝突例如打仗咁，因為如果地球人唔聽話成日鍾意打仗你打吓我，我又打吓你，咁樣打吓打吓打出鋪引就變咗冇時安寧，咁經濟就會倒退，分分鐘人類毀滅自己都唔出奇，到時真係搵鬼炒股咩，所以話新年願望當然係世界和平啦，唔好以為係一句好行說話，其實係至為重要就真；咁如果世界和平咯，中港股市以致地球多數國家股市晌2011年仍然係長升長有走勢，好似上回講到真的加息了趁跌要入貨，呢啲係早已講咗嘅玩法冇話馬後砲，而事實上亦證明咗預測正確，係睇個市都係跌咗一日半日經已反彈上升，咁你話係咪要趁跌買貨先，而唔係跌市時你又驚死唔buy, 等到升市時人地都獲利喇你先中個頭入去，咁如果你過去幾十年都係咁炒股就真係唔多恭喜。而晌新一年IPO熱潮仍會係港股重心，好似搶閘晌2010年最後半日市開市IPO嘅新股就有幾隻，其中以友 川集團控股有限公司(1323)最有炒作價值，大家不妨抽吓新股故有客戶只需搖電話嚟公司就可，非常方便。 周生生(00116) 上週港股得三日半市, 除夕在二萬三千點徘徊, 最高23,111點, 週五收報23,035點,最低22,529點；一週總成交1,679億。2010年都算做好, 新的一年推介即將於農曆年前辦年貨旺季；本地零售股將會繼續向好, 主因內地遊客不斷湧來消費, 當中更有很多內豪客。故今期第一推介(00116) 周生生, 主事珠寶黃金零售, 早前因一款手錬抽驗不達標. 令其股價向下調整, 其負面消息漸被市場消化, 近日走勢漸有見低跡。可於現價吸納, 可上望22元。 羅沙證券、許向輝 證監會(第一類)證券交易牌照持牌人 (編號AQX 415) 2011年1月3日 (本文作者聲明於建議時並沒有持有以上建議買入或沽售之股份)