資料只供參考之用。讀者在投資時，應詳細參閱股份年報、招股書及其他報告內之詳情，並務請運用個人獨立思考能力自行作出投資決定。本報告/評論並不構成要約、招攬或邀請、誘使、任何不論種類或形式之申述或訂立任何建議及推薦。 投資涉及風險，股票價格可升可跌。如因相關建議招致損失，概與羅沙證券有限公司、羅沙證券之僱員、編者、作者及網站持有人等無涉。 愈係大跌愈要買 週一港股反彈高開149點，但原來經已係全日高位；下午市況偏淡收市要倒跌195.40點收市報24027.18點，國指收報13416.25點跌246.89點，全日成交有930億元。內地上證綜合指數收反升29點報3014點。 週二港股又低開17點，半日曾經跌超過100點，成交金額半日有493億元；下午卻受內地股市大跌而要跌334.16點收市報23693.02點，國指亦不能幸免要跌223.67點報13192.58點，全日成交再度超越千億大關達1019億元。內地上證綜合指數收跌120點報2894點。 華爾街股市大跌拖累港股週三再度低開261點，半日跌少至160點，成交金額有535億元；下午跌勢似乎未止要跌多至478.56點收市報23214.16點，國指收報12876.34點跌316.24點，全日成交達1030億元。內地上證綜合指數收跌55點報2838點。 週四港股反彈高開223點，半日升多至315點成交531億元；下午繼續上升以23637.38點收市升422.93點，全日成交金額都有923億元，國指收報13168.49點升292.15點。內地上證綜合指數收升26點報2865點。 週五正當大家以為港股會跟隨美股昨晚造好而會高開的時候反而要低12點開出盤口，半日更要跌多至超過四百點，成交580億元；下午就造返好少少中段一度轉跌為升但尾段又要質返低個指數收報23605.71點跌31.68點，國指收報13170.65點卻要升2.16點，全日成交亦有近千億達970億元。內地上證綜合指數收亦升23點報2888點。 上回講到另類"牛三"仲有得玩，咁玩咩呢? 梗係炒股啦吓話，香港股壇真係同樂壇不遑多讓，日日有新聞、日日新鮮，好似上個星期咁姐嘛，個市連續跌咗幾日仲要係跌嘅指數唔係野小果隻，跟住有啲朋友就話哎呀死喇，熊市開始咗喇，唔好入市呀等等一堆好似好專家式的訊息，其實呢類人根據性格同個人本質嚟講係屬於悲觀果一類人，姐好似2008年金融海嘯爆發咁，你咪聽到好多人話咩世界末日啦、百年一遇啦、有排個市都冇得炒啦等等一堆好專家式的說話，你如果日日開著個電視機或者收音機又或者出街搭地鐵、搭巴士、搭任何一種交通工具、去邊度玩樂，身邊聽到的聲音多數係悲觀情緒，如果你果陣時叫人買股票，真係比人打都有之；之但係，時間咪證明咗呢一班所謂專家、學者又 甚至係當時政府高層又話咩海嘯第二波、第三波打到嚟喇咁話，咁結果呢? 都唔洗再"尋"氣講啦吓話，之不過又唔可以怪啲高層嘅，佢哋的任務唔係叫你炒股、炒樓炒金炒銀炒銅炒鐵炒大蒜炒乜炒物，相反佢哋永遠都只會叫你小心啲呀、唔好亂咁炒哩炒籠呀，否則佢經已係一個唔合格的政府官員，但係如果你當咗佢哋講嘅野係聖旨，佢話乜你就做乜的話，咁咪只有打死一世工字不出頭囉；相反，聰明的人就應該在適當的時候做適當的決定買定離手，而唔係一味跟個啲所謂市場消息去炒，因為咁樣炒法姐事後諸葛﹕馬後砲係人都識啦。好似最近在大陸有發生火災死咗好多人咁，過後你往往會見到好多好多事後陳述，又話咩好多火災仲陸續有來呀，全個區域都好多隱憂呀等等言論，大佬﹕地球日日都有隱憂嫁啦，你估淨係會指定某一個地方咩，香港又多隱憂啦，咪一樣會可以有火災一樣可以死好多人，咁又見佢地事前講，其實講係冇用，最緊要係做，你事前又或者平時準備得唔足夠，防火措施成日得個講字，到真係有事發生嘅時候，咪始終要發生，咁到時大家又再一次聽到好多馬後砲陳述，有鬼用咩!都係衛斯理講得啱，大家日日聽到嘅野只不過係經已發生咗而大家又攞出來講的評論，大家咪當聽娛樂新聞咁得啖笑算囉。有遠見的反而係要逆向而行在投資發達之路上，順水推舟只會令你賺餐晏仔，難以搵到大錢，不過如果大家樂於賺餐晏仔的話又另當別論。好似近期內地通脹驚人，連國家發改委宏觀經濟研究副院長陳東琪亦表示過，10月份國內居民消費價格指數(姐CPI)上升咗 4.4個巴仙，預計十一月同埋十二月仍會繼續上升的機i會好大咁話。其實呢啲係在銀紙供應不斷增加的情況下必然發生的事實，大家亦只有在高通脹環境下學會如何理財加以抵擋，好似投資股票就係最好的選擇，當然係講緊不嬲都有呢方面經驗同實戰搵到錢的人仕來講，如果你係初哥就唔係太適合喇，但經驗都係累積返嚟嘅，唔識咪學到識囉；好似近日大家熱炒的本港內需股之一的莎莎國際(0178)咁，賺到同胞錢咯，咪派吓息大家合皮囉，佢唔單止派息，仲一送一紅股添，所以股價炒到鬼咁高，你知點個啦吓話，記得貪字變個貧呀。 內銀股排住隊供股 上週股市下轉弱仍維持二萬三千點, 最高24,382點,週五收報23,605點,最低23,192點；一週總成交4,873億元。最近三大內銀排住隊供股, 先有中國銀行(03988), 跟着建設銀行(00939) 及工商銀行(01398); 其折讓供股都相當吸引, 唯供股比列較濕碎, 尤其對散戶投資者面對碎股問題。 “供又唔夠一手, 唔供又怕被攤薄＂。其實如果投資者只得一手貨相對的供股權是較為小, 若覺得手續繁複, 可於市場沽出供股權, 因通常供股權上版初期價格可會被炒高, 就算不供股也可有些少利潤！其實各大行均對內銀股供股程序結束後, 非常看好其走勢, 亦維持買入評級作中、長線投資! 羅沙證券、許向輝 證監會(第一類)證券交易牌照持牌人 (編號AQX 415) 2010年11月22日 (本文作者聲明於建議時並沒有持有以上建議買入或沽售之股份)