資料只供參考之用。讀者在投資時，應詳細參閱股份年報、招股書及其他報告內之詳情，並務請運用個人獨立思考能力自行作出投資決定。本報告/評論並不構成要約、招攬或邀請、誘使、任何不論種類或形式之申述或訂立任何建議及推薦。 投資涉及風險，股票價格可升可跌。如因相關建議招致損失，概與羅沙證券有限公司、羅沙證券之僱員、編者、作者及網站持有人等無涉。 牛三期經已悄然誕生 週一港股再高開184點，半日升超過320點，成交518億元；下午升幅稍微收窄但仍升260.49點收市報22618.66點，國指收報12614.18點升208.08點，全日成交960億元。技術上牛三期經已確立，但要小心綁好安全帶乘坐港股列車時，內地黃金週冇市放假。 週二受美股回吐影響港股低開86點，半日跌90點成交448億元；下午跌幅收窄尾段更倒升20.48點收市報22639.14點，國指收報12682.85點升68.67點，全日成交797億元。內地繼續黃金週冇市。 美股再炒高收市帶動港股週三亦創新高開367點；下午升勢持續收市升241.27點報22880.41點，國指收報12772.03點升89.18點，全日成交突破千億大關有成1048億咁多。但內地股市仍然放假中冇市。 週四由於美股升莫停港股續高開116點，但半日高位似乎有沽壓倒跌41點，成交445億元；下午又稍微倒升3.91點收市報22884.32點，國指收報12738.07點反跌33.96點，全日成交802億元。內地今日仍冇市但明日回復正常開始買賣。 週五港股唔跟內地復市高開反而低開23點，但隨即倒升172點半日，成交金額有507億元；下午仍能維持微量升幅59.86點報22944.18點，國指收報12758.23點升20.16點，全日成交金額達865億元。內地股市自黃金週後復市高收升83點報2738點。 週五美股道瓊斯工業指數經已再度超越萬一點今年新高，亦平咗去年高位點數，表面上睇似乎係雙頂高位，但今時唔同往日，舊年係海嘯後初愈創新高，今年就係籍住個市救唔掂市再度泵水創新高，唔單止美國係咁，連盟友日本都係咁，你話個市有乜辦法唔升?，不過升市還升市，大家如果只係沉醉係表面上的升市景況而唔識見好就收，到最後又多數做咗陽澄湖大閘蟹，姐點? 即係焗住長線投資囉，情況就好似2007年牛市三期咁，又話咩直通車乜車物車，其實係大家吹水車天車地，不過大部份散戶就當咗呢啲吹水係金科玉律，信都十足，今次只不過係三年時間，市場上大多數人又忙碌地忘記咗幾年前的教訓，又以為籍住乜幣物幣升值錢途無限好，大家又一窩蜂地走去投資，而忽略咗其實美元在未來一段好長時間仍然係地球主要儲值貨幣，任憑你咩商品大王、金融大鱷點樣唱淡美元，話美國佬唔掂檔，其實只不過係心理戰，歷史經驗告訴我們，當人類一窩蜂去投機、投資某一類商品時，泡沫形成同爆破只不過係時間問題， 所以有識之仕就應該見好就收，唔係無止境地買落去某一商品及貨幣，否則又會成為大鱷點心。今次股市上升情況亦有雷同之處，大家亦唔應該被表面升市的短暫快樂所蒙蔽，因為大家都預期美國經濟復甦冇咁快之餘，仲要差咗，所以預期佢推出第二之量化寬鬆措施(Quantitative Easing 2)簡稱QE2，姐再次印銀紙救市，但大家要留意，當今世上只有美利堅合眾國能夠自把自為去救市印銀紙，冇其他國家的國力能夠同佢地相提並論，大家唔好以為成日聽新聞話咩美國好唔掂，名義上佢地經已破產云云，實情上美國人就好聰明好醒，因為佢哋搞出來個大頭佛要全世界一齊同佢搞番掂佢，自二次大戰以來美國呢啲經驗唔係話冇，而且佢哋經已玩爐火純青，冇人勁得過佢哋。所以今次港股趁勢被人再度炒高，大家記得見好就收，因為呢期牛三係唔多正常的牛三期，當大家以為長升長有的時候才衝入個市場想賺返多少的話，其實經已係去到水尾人地離場時，但股市唔會即時撻返落嚟，短期而言係會愈升愈有，姐好似你日日聽新聞講今日恆指又升咗幾多百點，連升咗好多個交易日呀等等一切利好消息(表面上係)，佢地都冇錯嘅，因為佢哋只不過係新聞主播要返工搵食姐，但如果提醒目嘅投資人就應該知道呢啲只不過係堆砌出來的表面景象，好似恆生副董事長兼行政總裁梁高美懿亦謂﹕＂市場估計要到2012年才有機會加息，資金晌缺乏出路之下令到房地產、股票、債券及基金等資產類別的投資意欲高漲，她憂慮資產價格的升幅同工資及實質經濟增長將會脫節。言下之意咪係泡沫會越吹越大，直至爆破的一日，姐今次牛三期提早出現，短期內會長升長有。 西部水泥(02233) 上週港股再向二萬三點徘徊, 最高23,093點, 週五收報22,944 ,最低22,504點；一週總成交4,473億。今期推介水泥股, 上市不久的西部水泥(02233), 股價己較招股價1.62元上升六成, 唯現價仍算便宜。西部水泥(02233)業績勁好，營業額及純利分別有110.5%及159.1%的升幅。市場預測每股盈利為0.212元, 即市盈率約十三倍；,現價買入~目標價3.6元! 羅沙證券、許向輝 證監會(第一類)證券交易牌照持牌人 (編號AQX 415) 2010年10月11日 (本文作者聲明於建議時並沒有持有以上建議買入或沽售之股份)