資料只供參考之用。讀者在投資時，應詳細參閱股份年報、招股書及其他報告內之詳情，並務請運用個人獨立思考能力自行作出投資決定。本報告/評論並不構成要約、招攬或邀請、誘使、任何不論種類或形式之申述或訂立任何建議及推薦。 投資涉及風險，股票價格可升可跌。如因相關建議招致損失，概與羅沙證券有限公司、羅沙證券之僱員、編者、作者及網站持有人等無涉。 似跌還升、升完再跌 週一港股回吐後再度高開191點，半日升多至300多點，成交金額有326億元；下午再發力升超過400點樓上，收市仍有382.98點升幅報21412.79點，國企升276.45點報12181.45點，全日成交629億元。內地上證綜合指數收升35點報2672點。 華爾街股市造上有利港股週二再次高開197點，但高位有沽壓半日僅升112點，成交370億元；下午內地股市回升帶動港股又升番多至120點樓上，不過收市始終升唔起報21457.66點升44.87點，國指收報12120.83點反跌60.62點，全日成交683億元。內地上證綜合指數收跌45點報2627點。 美股終回吐但週三港股仍要高開109點咁多，不過已是半日高位半日成交330億元；下午又造番好少少收市升92.22點報21549.88點，國指收報12137.82點升16.99點，全日成交624億元。內地上證綜合指數收升11點報2638點。 美股跌完又升，但週四港股仍能高開27點，半日市況反覆倒跌10點，成交361億元；下午持續牛皮偏軟，原因當然係內地股市升唔起，港股唯有照跟唔肯升收市幾乎平手盤微升1.84點，報21551.72點，國指收報12128.68點跌9.14點，全日成交609億元。內地上證綜合指數收跌17點報2620點。 美股仍要跌但港股週五已按奈唔住要連續本週來個五連高開紅盤走勢高開24點，但上半日要跟隨內地股市升唔起而倒跌，不過由於有時差關係始終可以令港股睇住大陸個市來決定炒上是炒落，半日收市前再次倒升半日成交358億元；下午再度跟隨內地股市造好而炒高至160多點樓上，收市仍有127.08點升幅，報21678.80點，國指收報12161.75點升33.07點，全日成交629億元。內地上證綜合指數收升37點報2658點。 華爾街股市週五趁數據低過預期而炒返低個指數，收市下跌21點但其實已比佢開市時下跌130多點而跌幅收窄咗，預料下週一港股返嚟仍會低開，除非內地股市造返好少少就另計，因為本欄早已講過，今時今日全球主要資金早已stand by炒或者經已炒緊新興市場當然包括中國在內，加上香港呢個特殊地位同埋號稱亞洲金融中心，咁你話姐係人都唔想錯過掘金機會，除非佢嫌錢腥啦，不過西方國家啲富豪似乎又真係嫌錢腥噃，君不見以股神為首的同埋佢老友BILL GATES就呼籲全球富豪捐錢做善事，幫助一啲有需要嘅人仕，姐佢地咁熱心為公益絕對係為人津津樂道；其實自5月姐大家俗稱嘅五窮果陣時本欄經已叫人快啲入貨，咪等到升至二萬一千點至走嚟入貨，咁賺嘅水位就真係好有限啦， 因為呢期升浪其實真係好無厘頭，喂﹕點解呢期又唔見有人話咩歐豬危機、內地調控而令國內個市跌咁嘅報導先，其實危機邊有咁快過去，調控又點會一朝一夕完成，只不過因為個市要炒返上去至有水位食胡，否則好似前嗰排咁日日係咁跌市，仲邊到有人入場買股呢，冇咗班散戶入場買股，又點能夠輕易推高個市又話咩冇雙底衰退呀等等嘅言論，不過今時今日香港班散戶真係好鬼死醒目，冇咁容易落搭，你個市愈升咩、佢地多數人就愈沽，入都係小小地費事一野比人綁死，咁到咗個市回落返萬九點左緊時想入都冇錢入，咪棧搞；姐大家都知道港股作為外向型經濟點都唔可以自己話曬事，姐點都要睇住外圍(美國為主同內圍(內地)個市走勢而決定玩上定玩落，相信今時今日好多有炒開港股嘅人仕都明解，本欄一早就講咗如果大陸個市炒唔起，港股淨係睇住美國個市嚟炒的話升極有限，就好似年初美股炒到超過萬一點但內地個市唔生性唔一齊炒上，結果港股二萬一千零點咪行人止步掉頭回落囉，姐今次其實走勢又係一鬼樣，如果由週一開始內地個市持續升少少跌多多走勢的話，各位聰明嘅投資者就要識得係時候沽貨套現喇，留得青山在、那怕無柴燒，姐你有錢係手而個市又跌到好殘，不妨入貨執平嘢，你幾時聽過中移動(0941)有咩特別利好消息令到佢個股價升返上八十元樓上水位呢，唯一容易解畫嘅當然係佢係恆指成份重磅股，咁內銀股經已炒到咁高，分分鐘仲貴過內地A股，姐以前我哋成日聽到話咩大陸A股貴過港股H股呀，大家可以炒差價呀(07年牛三期)，其實咪又係一啲美麗的謊言，大家三年前如果中過招的話，無理由咁快又唔記得咗啩，姐果陣時咪話恆指三萬幾點甚至四萬點係合理呀，我就話如果今年有三萬點又或者二萬 四千點樓上的話絕對要沽貨套現，否則跌返落嚟嘅時候你又唔肯止賺止蝕，搞搞吓咪又焗住改個疑似日本名(長期糧尾)，姐長線持有囉，牛三期買貨係不應長期持有，否則仲邊有咁多錢晌熊三期入貨先。 中星集團(00055) 上週港股續向上企穩21,000點, 最高21,722點, 週五收報21,678 ,最低21,221點；一週總成交3,175億。今期推介下細價股中星集團(00055), 去年擴展業務及今年收購新業務後首個業續, 年內轉虧為盈, 顯示新投資方向正確! 預期旗下音樂及娛樂業務亦有50%營業額增長! 中星集團(00055)大股東成功將加州紅收納相信大股東會將卡拉ok注入集團, 前景非常可觀。故可以市價吸納, 上望股價0.4元! 羅沙證券、許向輝 證監會(第一類)證券交易牌照持牌人 (編號AQX 415) 2010年8月9日 (本文作者聲明於建議時並沒有持有以上建議買入或沽售之股份)