資料只供參考之用。讀者在投資時，應詳細參閱股份年報、招股書及其他報告內之詳情，並務請運用個人獨立思考能力自行作出投資決定。本報告/評論並不構成要約、招攬或邀請、誘使、任何不論種類或形式之申述或訂立任何建議及推薦。 投資涉及風險，股票價格可升可跌。如因相關建議招致損失，概與羅沙證券有限公司、羅沙證券之僱員、編者、作者及網站持有人等無涉。 高沽低入炒波幅 週一港股承接外圍走勢強勁繼續高開80點，反而唔跟大陸股市走勢，不過高位有回吐半日要倒跌80多點，上下波幅近200點，半日成交392億元；下午就要跟隨內地股市下挫126.26點收市報24156.97點，國指報12938.05點跌214.09點，全日成交709億元。內地上證綜合指數收勁跌84點報2706點。 週二港股仍要低開7點，但好快有反彈升200點樓上，半日成交金額達428億元；下午中段一度再跌多咗但收市跌少至2.99點報24153.98點，國指收報12991.33點反升53.28點，全日成交770億元。內地上證綜合指數收升2點咁大把報2709點。 週三港股就反彈高開167點，半日升超過200點，成交金額不俗有468億元；下午走勢持續強勁收升265.64點報24419.62點，國指收報13134.55點亦有167.35點進帳，全日成交金額809億元。 週四港股要跟大圍低開171點，半日跌超過300點，而半日成交有463億元；下午再跟隨大陸股市跌多至超過400多點，收市仍跌415.92點報24003.70點，國指收報12845.49點跌286.84點，全日成交金額達824億元。內地上證綜合指數收跌80點報2677點。 週五港股仍要低開90點，但半日市況反覆升過百零點之餘又跌番42點收市，半日成交460億元；下午再跌多至150多點，而收市仍要下跌126.84點報23876.86點，國指收報12735.57點跌109.92點，全日成交780億元。內地上證綜合指數收反升37點，港股冇跟內地股走勢真係好唔應該。 正如本欗前文所述，如果你上週當個市升到癲癲地而又沽貨獲利的話，本週又可以趁跌市入貨喇，姐炒股嘅嘢邊有可能話無止境係咁升或者係咁跌，情況衰如2008年九月底金融海嘯開始到咗2009年二、三月期間熊三期結束，進入牛一期升浪，大市都係呈一浪高過一浪走勢，間中調整深咗例如好似2010年六、七月大家借歐債危機隊冧個市，加上好多市場人仕又晌你耳仔邊話咩雙底衰退呀、買貨好驚呀等似乎好專業講話，搞到果啲一味只係識睇住眼前個市升定跌才去決定落注的散戶中曬招唔咁晌去年大跌市時入貨，等個市升到十月尾、十一月至飛身入市，咁咪再次中招囉，人哋醒目果啲散戶經已出貨獲利享受緊賺錢樂趣啦，你至中個頭入場，唉! 所以話炒股唔可以成日只係睇眼前走勢，而忽略咗個大趨勢，姐好似家陣如果有你認為係專家的人同你講係熊市反彈的話， 就真係唔恭喜你喇! 醒目的散戶知道該點做啦吓話，加上近日內地公佈的去年全年及12月經濟數據，其中最受關注的內地居民消費者價格指數連續升咗5個月之後回落至4.6%，加上大家都聽到新聞話咩人行通常會晌週末出招調控，借勢插低港股，但你睇返人哋內地個市都經已倒升緊，姐內地啲聰明投資人經已不斷趁低吸納中，等到你聽新聞時話個市升咗咯哦，你至入場搏殺，咁又再次高入低沽囉，不過一樣米養百樣人，市場總係會有哩啲人士存在，果啲聰明人至會入到平貨，情況一如2009年二、三月本欄大力呼籲大家要趁低入貨一樣，其實投資就係咁簡單，洗咩受咁多噪音影響呢。所以如果識得把握機會高沽低入炒吓波幅，回報好過你靜係識得聽完每日咁多新聞至入市，大牛市冇理由跌就驚至得架吓話，好似如果再見到內地又加息調控經濟的話而個市又應聲下跌，咁你就要醒目咁入市喇，而唔係等到個市經已升咗幾日至追入，仲要問人好唔好入，好難答嗰噃。 中國木業 上週港股偏軟失守二萬四千點, 最高24,434點, 週五收報23,876點,最低23,840點；一週總成交3,893億。今期推介(00269) 中國木業, 向投資者配售新股七十億, 每股0.4元, 集資28億元。投資者因有李家誠旗下基金會持有12.85%股權, 亦為完成配股後為第二大股東！因李家誠入注關係, 週三股價高見0.54元. 較配股價高出35%。。其主要業務為森林營運、貿易及加工；銷售林木, 樹苗種植。, 但其年內虧損較09/10度擴大, 蝕2億元。相信因李家誠入股另其股價急升, 故只適宜短線投資, 博上0.54~0.55元。 羅沙證券、許向輝 證監會(第一類)證券交易牌照持牌人 (編號AQX 415) 2011年1月24日 (本文作者聲明於建議時並沒有持有以上建議買入或沽售之股份)