資料只供參考之用。讀者在投資時，應詳細參閱股份年報、招股書及其他報告內之詳情，並務請運用個人獨立思考能力自行作出投資決定。本報告/評論並不構成要約、招攬或邀請、誘使、任何不論種類或形式之申述或訂立任何建議及推薦。 投資涉及風險，股票價格可升可跌。如因相關建議招致損失，概與羅沙證券有限公司、羅沙證券之僱員、編者、作者及網站持有人等無涉。 跌入升沽炒波幅 週一港股受制美股回吐而低開45點，不過半日卻轉跌為升80多點，成交金額只有337億元；下午初段仍牛皮，但去到中後段卻抽升288.97點收市報23166.22點，國指收報12888.27點升131.17點，但全日成交金額只有652億元。內地上證綜合指數收反要跌5點報2866點。 週二美股冇運行港股亦只好繼續下跌低開43點，而半日跌多至258點，成交481億元；下午仍然跌158.23點收市報23007.99點，國指收報12817.59點跌70.68點，全日成交金額卻大幅上升至1010億元。內地上證綜合指數收跌46點報2820點。 週三港股來個三連低開34點，半日仍然冇起色但成交金額就造返好少少有500億元；下午就跟隨內地股市回升一度升接近三百點，收市仍然能夠上升241.81 點報23249.80點，國指收報12949.85點升132.26點，全日成交金額亦能配合升勢達890億元。內地上證綜合指數收升3點報2823點。 週四港股受惠華爾街股市隔晚造好高開304點，但高位有沽壓，半日升少至209點，成交金額541億元；下午內地股市升幅收窄影響港股未能再上升收市報23448.78點升198.98點，國指收報13087.40點升137.55點，全日成交930億元。內地上證綜合指數收升20點報2843點。 華爾街股市再度造好週五港股卻只能夠高開107點，半日唔願炒高僅升31點，成交金額為450億元；下午受制於內地股市回落要倒跌128.26點收市報23320.52點，國指收報12937.10點跌150.30點，全日成交852億元。內地上證綜合指數收跌1點報2842點。 上回講到個市要趁跌市入貨，咁上個星期又有類似走勢，姐如果你錯過咗入貨時機的話又唔洗灰心嘅，因為香港貴為國際提款機啲錢話嚟就嚟，話走就走，不過亦唔需要擔心啲錢唔炒港股噃，因為今時今日貴為金磚四國之一的中國仍然係大戶炒上炒落題材，如果你想賺錢的話就一定不能夠聽住啲消息順勢炒股，因為消息嘅嘢其實多數都係滯後訊息，千奇唔能夠聽住滯後訊息炒股，但如果你只係想長期持有十年八年的股票又冇咩大問題嘅，但亦不能在牛三期高位接貨，否則好似三年前牛三好多人聽到話中移動(0941)前景好好哦而在140元走去 接咗貨的話，今時今日咪仲係得個等字，依家最好就係逢大跌有不利消息的時候走去入啲優質貨，第時咪等賺錢囉，好過你逢高必追入，賺到都係有限錢姐，而且仲要冒住高位接貨風險，因為市場聰明人仕總係能夠在高位咁當然唔可能話最高位沽出啦離場，跟住收集到一定時候喇，再配合市場好消息出現喇而沽貨獲利，點都會賺得多過你高追入賺得多啩；好似家陣咁，大家見到美國連續兩日造高位收市，但港股又唔跟足升返咁多個巴仙，而且星期五收市仲要倒跌128點收市添，技術上似乎係單日轉向，其實炒股唔可以淨係睇住個技術走勢去行事，而香港呢個場更加係要加多個逆向而行去炒股，因為無論大戶散戶十年八年內估計一定唔會離開香港呢個咁自由的國際金融中心搵食，話時話大家都係日日炒股搵兩餐姐，有錢搵冇人會嫌錢腥啩吓話，不過散戶始終每日受好多市場噪音影響咗決定，而且迷信呢個話好、果個又話睇淡，搞到原本有正確的決定卻因為受到影響而錯失入市良機，姐大家多數在市旺就走去申請IPO新股，仲要係有新股都申請，而市況稍為有不利傳聞就驚咗唔敢去申請，反而會錯失咗低位入貨機會，好似上個排隻金活醫藥集團(1110)咁，以1.60元上市即日都炒高到兩個幾銀錢，跟住依家仲要炒高見3.44元，短期而言你會驚價高，不過如果隨著時間推移佢跌吓升吓又跌吓跟住又升下咁，隔咗一段時間之後再睇返轉頭，再好馬後砲咁話都話好股啦，最衰果陣時冇入囉等等一番係人都識講的言論，咁又有咩意思呢。所以話馬後硘砲千其唔可以運用在炒股同投資股 票上，否則你永遠都係馬後砲就真係神仙都難救喇。如果大家短期內好驚好驚唔敢入貨，咪走去抽吓新股囉，好似以中石油為唯一客戶的新股MI能源(1555)咁，IPO日期就過咗似乎難以趕得及了，不過趁跌市咪反而可以等佢上市日係咪下跌買入反而仲方便炒作啦。 西部水泥(02233) 上週港股終向上升回二萬三千點徘徊, 最高23,611點, 週五收報23,320點,最低22,785點；一週總成交4,334億。今期推介西部水泥(02233), 為陝西省第二大水泥生產商, 受惠西部大開發兼內地政策剌激及水泥價格上揚, 令一眾水泥股造好。此外因受限於柴油供應，水泥平均價格已突破每噸400元人民幣；創年內新高。而且水泥股股價也下跌不少, 估值也很吸引, 西部水泥(02233) 是同業中最低。可於現價入資, 目標價3.7元! 羅沙證券、許向輝 證監會(第一類)證券交易牌照持牌人 (編號AQX 415) 2010年12月6日 (本文作者聲明於建議時並沒有持有以上建議買入或沽售之股份)