資料只供參考之用。讀者在投資時，應詳細參閱股份年報、招股書及其他報告內之詳情，並務請運用個人獨立思考能力自行作出投資決定。本報告/評論並不構成要約、招攬或邀請、誘使、任何不論種類或形式之申述或訂立任何建議及推薦。 投資涉及風險，股票價格可升可跌。如因相關建議招致損失，概與羅沙證券有限公司、羅沙證券之僱員、編者、作者及網站持有人等無涉。 如加息借勢跌要入貨 週一港股承接華爾街股市造好高開186點，半日最多升超過250點，成交金額425億元；下午初段仍能跟隨區內股市造好升200點左右，但尾段回跌82.83點收市報23237.69點，國指收報12804.77點跌132.33點，全日成交760億元。內地上證綜合指數收升14點報2857點。 美股回軟影響港股週二低開60點，但隨即倒升160多點，半日波幅200多點，成交416億元；下午繼續造好高收190.46點報23428.15點，國指收報12922.24點升117.47點，全日成交727億元。內地上證綜合指數收升18點報2875點。 華爾街股市先升後回拖累港股二連低開65點，半日跌多至200多點，成交金額只有396億元；下午再跌多至400多點收市仍要下跌335.63點報23092.52點，國指收報12735.86點跌186.38點，而全日成交金額就有777億元。內地上證綜合指數收跌27點報2848點。 美股回升帶動港股週四高開75點，隨後一度升過百點，但十一點後曾經倒跌不過好快轉跌為升，半日市況牛皮偏好，成交395億元；下午亦無懼內地股市下跌仍升79.28點收市報23171.80點，全日成交702億元，國指收報12731.42點跌4.44點。內地上證綜合指數收跌37點報2810點。 週五港股又被質低開80點，隨後跌多至158點收市半日成交400億元；下午內地股市回升一度帶動港股倒升但好快又回跌，不過收市跌少至8.89點報23162.91點，國指收報12661.01點跌70.41點，全日成交金額就縮減至696億元。內地上證綜合指數收經已率先升30點報2841點。 本週港股走勢技術上似乎唔係咁掂，但實情係咪又真係咁差呢? 因為各傳媒都充斥內地要加息而令到大家驚咗唔敢入市，雖則美股本週走勢唔錯加上內地股市於週五亦能夠下午由跌轉升，但港股仍要以跌市來作為本週終結，其實從另一個角度睇就經已係入定市等上升時分段沽貨獲利良機，因為消息嘅嘢永遠都係滯後，姐好容易令炒股同投資人仕墮入事後諸葛的心態，當個市升返上去之時例如第一日上市你唔夠膽入，第二日升又唔夠膽入，等到咗第三日又升的時候你至走去入貨，咁咪又變成入貴貨囉吓話，因為果啲醒目炒家經已借住消息愈沽就愈高個價位，愈入反而會愈低啲價位，而且內地有關加息與否的傳聞可以日日新鮮都或者唔出奇，咁如果你聽到今日話通脹唔係好大姐，唔洗怕噃，但明日又聽到話通脹好勁呀，實加息啦等等傳聞，而怕咗唔敢入定貨等升，到咗真係加息果陣時個市反而唔跌反升的話，你又會聽到新聞話咩市場經已預期 咗大陸要加息所以之前跌定先依家要升都好正常等等呢啲言論時，而你又信到十足咁真係唔夠你講喇；大佬，呢啲咁馬後砲的賽後總結真係係人都識咁滯啦，所以想賺錢的話就一定要大家都驚咗唔夠膽買的時候你走去買，而唔係人云亦云跟住個大市升就話升，跌就話跌，咁點樣賺到錢嫁，做艇長坐艇就反而好容易呢。因為報導嘅嘢在未經證實之前你好多時候睇報紙果段新聞標題之前加一個"傳"字，又或者一個"料"字，就可以有好大空間令人有暇想，因為通脹絕對經已發生在今時今日生活當中，無論大陸好香港好又或者經濟發展正向著正面方向的其他國家好例如澳洲又或者東南亞諸國等，咁唔通你今時今日仲相信短期內會發生通縮? 如果你仲係死牛一便頸堅持己見的話，咁就真係唔多恭喜喇，因為你成日驚青唔敢入貨又點會唔錯失今時今日個大牛市，又點會賺到好的回報，最多你咪可以日日聽住相關言論做個事後諸葛，咁姐點? 姐同十年前香港申亞個結果一樣﹕得個吉囉。而跌市中大家亦可以發掘吓啲有潛質有錢途的新股，無論長揸短炒皆相宜，好似前兩日至上市的紛美包裝(0468)同埋上個月25號以1.60元上市的金活醫藥集團(1110)咁，細細隻相對容易炒上炒落，前者如作長線持有話唔埋幾年後有驚喜回報都唔奇，後者就擺明炒正內需醫藥股概念因為大陸睇醫生費用好鬼死貴咁大家多數幫趁藥房所以咪借勢炒高個價格囉，如果有冒險精神亦不妨等佢跌返落嚟果陣再吸納，到咗出年四、五月或者會有炒上更高位置都冇話冇可能嘅，最緊要有大戶睇中至炒得高個價呢，如果淨係得班散戶左炒右炒佢個價位都唔會升得去邊啦，你話啱唔啱先。 西部水泥(02233) 上週股市突破仍向下徘徊於二萬三千點, 最高23,612點,週五收報23,162點,最低22,965點；一週總成交3,661億元。 內地提早公布11月份消費物價指數, 憂慮人民銀行加息, 股市表現反反覆覆。若外圍市況普週, 港股仍可望漸漸向好！ 今期推介西部水泥(02233), 仍就?明年1月1日正式實施<水泥行業准入條件>, 這令水泥行業節能減排, 結構調整有助價格穩定, 對規模較大的水泥業有利。 截止六月底西部水泥(02233) 收入為12.09億元人民幣, 較去年同期增加約110.5%,每股盈利0.11元人民幣。估值吸引, 現價可入作短線投資! 羅沙證券、許向輝 證監會(第一類)證券交易牌照持牌人 (編號AQX 415) 2010年12月13日 (本文作者聲明於建議時並沒有持有以上建議買入或沽售之股份)