資料只供參考之用。讀者在投資時，應詳細參閱股份年報、招股書及其他報告內之詳情，並務請運用個人獨立思考能力自行作出投資決定。本報告/評論並不構成要約、招攬或邀請、誘使、任何不論種類或形式之申述或訂立任何建議及推薦。 投資涉及風險，股票價格可升可跌。如因相關建議招致損失，概與羅沙證券有限公司、羅沙證券之僱員、編者、作者及網站持有人等無涉。 買定貨等一月升沽賺 內地只加存款準備金加上美股上週五造好港股週一當然要跟高開200點，之後升多至270多點，但半日成交362億元；下午仍升154.70點收市報23317.61點，國指收報12751.82點升90.81點，全日成交金額持續唔多只有634億元。內地上證綜合指數收升82點報2923點。 週二承接美股持續造好再度高開133點，但半日借內地冇得升港股亦腳軟升唔起；下午又可以升返113.58點收市報23431.19點，國指收報12865.05點升113.23點幾乎同步，全日成交只有576億元。內地上證綜合指數收升4點咁大把報2927點。 週三港股唔再跟美股創27個月新高反要低開59點，之後半日跌160多點收市成交336億元；下午突然間插多至四、五百點，理由係西班牙被調低評級咁就插低港股咁都得，收市仍要下跌455.84點報22975.35點，國指收報12585.04點跌280.01點，全日成交略為增加至724億元。 週四港股仍然要低開25點，半日牛皮偏軟跌80多點成交364億元；下午初段都係跌百零點但後段無厘頭跌多至306.57點收市報22668.78點，國指收報12434.95點跌150.09點，全日成交金額達762億元。內地上證綜合指數收跌13點報2898點。 週五港股承接之前低開8點，但市況頗為反覆唔洗一分鐘就倒升不過之後又倒跌，半日迷失方向升升跌跌唔上唔落；下午又似乎造返好少少升46.07點收市報22714.85點，國指收報12468.88點升33.93點，全日成交都有725億元唔算太差，唯獨是大陸股市唔與香港同步反而要倒跌4點收報2894點。 上回講到如加息借勢跌要入貨，不過經過本週市況卻是你唔加息大市都要跌，你話香港地係咪國際提款機先啲錢話嚟就嚟話走就走，因為家吓科技先進姐好似早前都講過噤一吓個電腦enter制啲錢就可以由地球一邊飛到另一邊，快過你超音速戰機啦吓話，所以有經驗同智慧人仕就一啲都唔會擔心個市，反而擔心吓近日天氣突然轉冷著多件衫保暖好過啦，有健康至有氣有力買股搏加嘛係咪? 如果連健康身體都冇就算比你一千億都冇鬼用啦吓話；好似之前傳聞話咩十萬億熱錢泊喺香港準備炒大陸股市同港股，依家又有傳聞話咩前任高盛集團自營交易部(Principle Strategies)主管施家文(Morgan Sze)正計劃自立門戶並選址香港籌組一支20至30人團隊的對沖基金名為Azentus Capital，其規模可能達最多15億美金傳駐香港咁話，其實你傳唔傳都好香港不嬲都係貴為國際金融中心、亞洲金融中心，咁資金出入自由咯哦，比著你都會伺機過嚟香港呢個場搵食啦吓話，唔洗咁驚噃，加上有祖國嘅十二五規劃支持，例如好似晌年中低迷時期上 市嘅齊合天地(0976)咁，受惠政策中長線都可期望有好的回報，想短炒亦可炒吓波幅；咁你係咪要多得呢班大戶炒高個市你至有機會出到好價錢賺錢，如果唔係大家香港人塘水滾塘魚好似01年911後直至03年沙士咁，唔通大家日日拍烏蠅好咩，梗係唔好啦吓話；所以香港剛剛又被調高長期信貸評級由[AA+]上調至[AAA]姐最高評級，連我哋亞財爺曾俊華都話歡迎標普調高香港的評級，並表示三大國際信貸機構相繼提升本港評級，反映國際社會充份肯定香港穩健的經濟基調及金融體系抵禦衝擊的能力，政府會密切關注全球經濟發展形勢繼續有效應對未來的挑戰；你睇吓我哋阿財爺你咁有信心我哋香港作為國際金融中心的抵禦能力，咁事實上又真係好堅嘅，所以你有咩理由因為個市跌咗就唔夠膽入貨先，洗唔洗咁驚又聽今日呢個話頭肩頂大跌呀咁話，佢咁話姐冇人叫你去信ga係咪，咁如果個市唔係大跌喇到時你就又會聽到話咩咩咩其他理由咯噃，咁樣炒股係唔多掂嫁，難以搵到大錢，想搵到大錢就要同市場逆向而行，人地話世界末日咩你就偏偏喜歡入貨要去買，當人地詁咩合理指數係咩咩點呀，二萬七千五百點? 三、四萬點? 大佬，果陣時你仲想呢支歌仔咪死得人多囉，07年借港股直通車炒高個市有眼你睇啦吓話，仲唔走咩唔通等運到三萬點、四萬點，你話係合理點數姐，我就話唔合理喇，股票嘅嘢其實如果你認為佢唔合理咯，咪沽鬼咗佢囉，你驚買唔番咩，最大問題係到時你夠唔夠膽買姐，好似08年海嘯咁吓話，因為到時你一定又再聽到好多聲音又好噪音又好又話咩今次仲傑過08年金融海嘯呀，你買股票未死過咩，但假如你真係唔夠膽買的話，咪又錯失一次入平貨良機囉，呢啲機會唔會永遠存在嫁，不過下一次就唔會叫咩海 嘯喇，叫咩名?到時西方社會自然會有一個好好聽嘅熊三期代名詞啦，呢啲名稱嘅嘢梗係留返比班高手諗啦，你識入平貨咪得囉；所以話炒股入貨當然係按照自己想法去入貨，而自己想法係唔應該包括聽呢個聽果個建議去買，係要以自己嘅聲音去落決定落注，因為一個醒目的人，係唔會比啲市場聲音影響決定至係。 六福集團(00590) 上週股市突破仍向下徘徊於二萬三千點, 最高23,490點,週五收報22,714點,最低22,519點；一週總成交3,422億元。 聖?新年擋期, 係零售業?黃金期, 內地客特別鍾情黃金珠寶! 今期再向六福集團(00590)憧憬有上升空間, 但六福集團己有上年底六元升至最近25元左右, 累升3.2倍, 同期盈利升福 及股價升福高, 若在高位追入風險頗高! 但其管理質素非常優良, 長線業務前景樂觀。 短線未必能突破28元, 長線持有仍然樂觀! 可於24~25元吸納, 長線可見29元！ 羅沙證券、許向輝 證監會(第一類)證券交易牌照持牌人 (編號AQX 415) 2010年12月20日 (本文作者聲明於建議時並沒有持有以上建議買入或沽售之股份)