資料只供參考之用。讀者在投資時，應詳細參閱股份年報、招股書及其他報告內之詳情，並務請運用個人獨立思考能力自行作出投資決定。本報告/評論並不構成要約、招攬或邀請、誘使、任何不論種類或形式之申述或訂立任何建議及推薦。 投資涉及風險，股票價格可升可跌。如因相關建議招致損失，概與羅沙證券有限公司、羅沙證券之僱員、編者、作者及網站持有人等無涉。 旅遊災難日之後股仍要繼續炒 週一咁啱一年一度七月十四孟蘭節港股亦低開18點，半日曾經升過50零點，但中午收市又可以倒跌76點，比人舞上舞落但又唔係大上大落悶到暈，半日成交只有275億元；下午維持百零點跌幅收市就跌少啲92.81點報20889.01點，國指收報11670.39點跌109.28點，全日成交464億元。內地上證綜合指數收跌3點報2639點。 週二係2010年8月23日係全港市民一定要記得嘅在香港歷史上的旅遊災難日，佢哋全部都係香港英雄，全部都應頒發最高勳章，開市前亦默哀一分鐘以示悼念；港股亦再度低開129點，中午收市就跌少至4點，半日成交275億元；下午再跌多至230.30點收市報20658.71點，國指收報11573.25點跌97.14點，全日成交555億元。內地上證綜合指數收升11點報2650點。 週三受美股持續造淡影響港股來三連低開55點，半日成交320億元；下午都係全日造淡但收市就跌少至23.73點報20634.98點，國指收報11495.79點跌77.46點，全日成交580億元。內地上證綜合指數收跌54點報2596點。 週四美股隔晚造好但港股仍要四連跌低開31點，半日牛皮時升時跌上落窄幅，成交310億元；下午同樣走勢，收市微跌22.92點報20612.06點，國指收報11436.22點跌59.57點，全日成交548億元。內地上證綜合指數收升7點報2603點。 週五港股來個五連低開49點，半日維持之前幾日走勢唔上唔落，半日成交296億元；下午開市曾經升過50點跟隨內地股市造返好少少，但收市仍要再跌14.71點報20597.35點，國指收報11395.05點跌41.17點，全日成交515億元。內地上證綜合指數收升7點報2610點。 本週係香港旅遊史上最為黑暗的日子，不過悲哀過後股還是要炒，否則點會有多餘錢去優質國家旅遊；依家就嚟海嘯兩週年紀念，各國政府大灑金錢去救市，包括地球唯一超級大國美利堅合眾國的印銀紙救市，咁印銀紙印得多，通貨膨脹一定嚟啦，但依家如果有人同你講通縮呀，double deep呀咁，你信咪唔洗炒股囉，咪一味走去買跌，姐好似舊年三、四月咁市場上又有好多聲音話咩唔好入市呀，有排衰呀個市，咁事實呢? 都唔洗點講啦吓話，即係好似阿sammi;鄭 秀文隻歌咁﹕信者得救囉，但如果要適當運用在股市上，咪要用逆向思維去行事囉，如果一味聽人話咩要寧買當頭起呀、高追易賺錢呀等等，咪得個講字，係人都識講啦，講姐嘛吓話。姐今年都過咗大半年，大家都知道係炒上落市，但如果到咗依家仲要等個市升到咁上下至追入市，咪又中伏囉，姐好似由上週至今週個市無厘頭係咁下跌，而你又一路聽住啲人話咩美國經濟下半年唔好呀、內地又持續調控呀，港府亦出招調控樓市呀等等不利消息而唔敢入市的話，咁真係好難賺到錢囉；華爾街股市上週五又無厘頭咁反彈返一萬點樓上，而油價亦低見72元附近位置之後再次上升至現今75元位置左右，相關新聞話咩伯南克經已準備好作進一步刺激經濟的準備，個市又可以升返，姐如果咁都有得升的話，如果他日又突然間整個消息特別利好股市，咁咪升到識飛?! 但如果你識得在股市低迷時入定貨，而唔係話等到個市升返唔少的時候才追入，咁姐話你經已賺咗一個唔少的差價啦，好似同油價有好大正面影響因素的中石油(0857)咁，剛剛公佈的業績其實唔錯，而且仲宣佈派發16仙人民幣息口添，如果有興趣想收埋息口同賺取差價的話，就要記得在9月8日其除淨日之前買入喇，不過就要等埋在除淨日當日或之後沽出才有股息收，否則如果你在除淨日之前一日而如果個市又炒高股價而你又沽咗又冇買返的話，就唔會有股息收喇。 華潤電力(00836) 上週港股失守上升軌向下二萬五百點徘徊, 最高21,035點, 週五收報20,597 ,最低20,512點；一週總成交2,663億。今期推介華潤電力(00836), 公佈中期業績發電量加令營業額升51.2%, 但被煤價漲拉高成本, 純利拉低。故隨?會自給自足煤炭增多, 及正計劃收購煤礦來擴產煤, 預計收益帶動盈利增長！難怪各大券間紛紛上調目標價及前景非常可觀, 故可以市價吸納, 可作中線投資! 羅沙證券、許向輝 證監會(第一類)證券交易牌照持牌人 (編號AQX 415) 2010年8月30日 (本文作者聲明於建議時並沒有持有以上建議買入或沽售之股份)